下個月就轉新工。

所以依家好無聊，因為手頭上既project都完晒，又唔會再去開新project，因為，就算有新project開，都唔會預我啦~~費事我帶走d 機密啦~

從返工地點上黎講，我只係由第二座轉去第三座。

不過，我諗新公司個邊，應該會無左依家個咁靚既海景位。

呢2日一定要等日天色好，帶埋部相機返黎影相。

我依家個位，可能好多係老闆級既人都無咁正既位坐。唔計前面幢ifc阻住，我有180度無敵大海景。

新公司個邊應該望唔到海啦~ 因為望海個邊全部用晒黎做conference room同大闆間房。

都話我轉工一定係最唔捨得個海景位架啦~~

人工加左少少，而且新公司既福利係好；但呢d都唔係我轉工既主要原因。

最主要係，想學下新野。

新環境新老細。老細唔係香港人，係日本人；佢同我講佢好鐘意睇ballet，所以我懷疑都唔知係咪因為我係interest個欄填ballet所以佢先請我。

其實我諗呢份工我都唔會做得長。

我有我方向。