對於香港人黎講，樓價幾乎等於一齊。

有o的香港人，亦可能係靠樓價搵食。

我自己本身，都做過業主。

對於樓市既熟悉情度，可能比我本科更甚。

今朝一早上睇一壹週刊，講緊新一輪樓價走勢。當然，以壹記既風格，當然又會吹下o的冷風。

討論項目係荃灣1個新盤同1個今年入伙既盤。內容？唔使諗都知，一定係講話入伙盤因受發展商劈價影響，以而隨時變負資產，然後不免要怨下發展商云云。

我覺得呢，買樓投資呢家野，同你買股票一樣。

唔該你買之前諗清楚，投資有風險架~~

自己都唔做功課，又唔用腦諗下，真係無得講。

香港人，成日以為你買左樓就要保你一世有錢賺。呢個世界邊有咁著數既事？

真係唔該記住，買樓，你最低只係用樓價既5%就可以，其實同炒孖展無分別。

炒孖展都要比息啦~~唔該，記住，炒樓幾乎等同於炒孖展。

仲有，買樓唔係買菜，要用腦去諗架~~

那個入伙盤，佢當初推出時大家都一定有留意，廣告只能用鋪天蓋地黎形容。

荃灣舊工業區，周圍係工廠，然後，只係因為個包裝，你就信佢值四五千蚊一呎地？

真係搞笑。唔該睇清楚o的，同一時間，係灣仔5年樓齡既樓，面積約600呎既，都係講緊4000蚊多o的一呎地。

同樣比咁多錢，我一定住灣仔啦~~

另一個搞笑既盤係葵青個邊，包裝為九龍新地標。

等我仲以為係邊到咁巴閉，一聽到葵青，我就想爆笑。

咁佢當我個位後面望到既凱旋門係咩野料？

跟住，又係上望到咁貴樓價。

然後無耐呢，我係newsgroup已經見到有人喊得一句句。

唉~~