從沒有刻意減肥，結果瘦了2個size，連ballet先生都忍不住問我是不是減肥進行中。

沒有刻意跟男友仔一齊搵野食，但好明顯係因為有人為食(唔係我!!!)所以去多左好多間唔同既餐廳。

排名不分先後，記到邊日去就寫，你見無日子既就係因為我已經唔記得左邊日去。sweet sweet!!

++++++++++++++++++++++++++++++++++++++++++++++++++++++++++ 

3月23日

莎厘娜餐廳 (半山般含道33號地下)

“36年歷史的俄國餐廳，食品仍保持著俄國特色，要一嚐俄國菜風味，可考慮到此一遊。”

其實感覺不算是很俄國，地方細細但你都估唔到佢咁多人，我冋男友仔去到都唔算早(起碼八點半之後)，都仲要等位。叫左2個set dinner。個沙律我本來係有d抗拒，但食落原來好好味，個沙律醬係幾特別個種。羅宋湯好味！埋單兩百幾我覺得幾ok喎。唔算太貴但都有咁上下水準。

++++++++++++++++++++++++++++++++++++++++++++++++++++++++++ 

4月中既某星期三放學後 

羽壽司 (尖沙咀東部新文華中心地下82-85 號)

之前只去過一次，當時係同MAJSP既同學仔去。事隔兩年，有好多同學仔已經畢左業，今次同我黎既，係唔同年入學當年無份食飯既男友同學。

因為我已經食左飯先去上堂既關係，基本上都係男友仔食得多。但我感覺上質素下降左好多。印象中上一次係OK架。但今次真係好一般(given咁既價錢)。d魚生唔新鮮，每一樣都係好一般。我地仲叫左個特大凡立貝，好睇唔好食。總而言之，呢間應該唔會有下次。

++++++++++++++++++++++++++++++++++++++++++++++++++++++++++ 

4月中既某星期三放學後 

太平館餐廳 (尖沙咀加連威老道40號)

又係男友仔肚餓我唔肚餓既日子。

由理大行到去尖咀，求其見到一間開既就去食。

男友仔叫左個扒，我都咬左2舊。

簡單d講，不過不失咁咯。但…..我覺得如果咁既價錢，應該可以食得好d。

++++++++++++++++++++++++++++++++++++++++++++++++++++++++++ 

已經食過2次啦!

越河 (半山般咸道64號嘉麗苑地下4號舖)

2次都係….平日晚去男友屋企, 順手叫外賣食。ok喎~ 唔算貴。

2次男友仔都係叫撈矇，我就2次都係叫扎肉湯河。2個人2次都係叫lime soda。唯一會變既係第一次食左個garlic bread，好味架~ 第二次就叫左個芒果椰汁糯米飯，我估如果我地唔係放左入雪櫃，都應該好食架~。雪左就好似差左少少咁。但overall呢間野係good架，唔係都唔會食第二次啦。湯底都ok，起碼我那個矜貴既男友仔食左都無敏感。

++++++++++++++++++++++++++++++++++++++++++++++++++++++++++ 

4月份某星期日

MOS BURGER (沙田沙田正街2-8號新城市廣場三期西田百貨3樓)

叫左2個set, 男友仔食mos burger加炸雞、我叫mushroom burger加薯條，2個都好食~ 唯一缺點係星期日既沙田真係勁多人，好難搵位。我搵左張枱等，男友仔兵分兩路結果無功而回。感激我等緊個張枱個2位人士快手食完讓張枱比我地。否則都幾”lei”"hea”。

細細個時成日去沙田，年紀大左真係少去左。依家裝修後行得舒服左，又多左好多好野食咁。應該可以去多幾次。

男友仔話呢到既咖啡係超提神，但我唔飲咖啡，不能評價。