一年容易又中秋

即係2007年已經過左四分三啦~

我的2007年，希望能係一片安穩之中作結尾。今年真係太甘啦~

昨日既中秋假，我完全不能相信自己竟然係煲晒一套日劇作結尾。

不過LIAR GAME真係幾好靚，雖然無靚仔靚女，戶田惠梨香算正常日本妹樣，都OK啦~ 正正常常扮女大學生，算交足功課。

男既松田翔太係典型日本仔樣，即係點？

即係完全唔靚仔咯~樣唔掂但高度搭夠(181cm高喎!!)。 而且佢個角色好討好(好討好我就真)……夠酷嘛~ 我都話我係鐘意高佬架啦……

所以，成套劇都算養眼。

故仔都幾特別，不過唔講內容，有興趣自己去睇。

唯一缺點係個大結局，cut晒廣告大約兩個半鐘既大結局，竟然有三分之一都係講番之前十集既野，仲要無間斷咁抄，我唯有fast forward咯~ 分分鐘你只睇個大結局都應該明佢講乜呀。

當然昨日係唔止睇日劇咁簡單既。

一早起身都唔早啦~ 食個早餐(唔使問….麥皮!)，出花園淋花，d雀仔花都開到期尾，一年生既雀仔花，完左花期就會死，所以趁機要剪左d枯左既花收集種子。但我又可能會試下今年用折技方法再培植過。薰衣草，之前開過一次花，跟住上星期見佢又準備開花啦~ 最不可思議係我種個d mint，我估唔到原來佢都有花開，真係色香味俱全呀~ 正！

徐媽咪同徐細佬都各自去左旅行，得番我同小肥狗。淋完花之後，我就煮意大利粉，carbonara呀~ ok喎~ 不過好似差少少芝士味，所以我食時就就落多d芝士粉咯~ 都ok架~ 之後我就掛住睇LIAR GAME完全忘記左我要練琴呀…..等到幾時先醒起呢……無錯……就係今朝!!! 我今晚一定要努力同CHOPIN對戰。灰到喊……