呢個月最忙個幾日都過左啦~

通常係10號開始, 打後一個星期至10日左右係最忙既。但當然，所以謂最忙都只係比較忙，同我之前個D晨昏癲倒既日子，當然係夏虫不可語冰啦~

報左一級啦~ 上次咁不幸差幾分先合格(可惡…有乜理由要70%先合格, 即係400分滿分要拿280分以上, 我上次憑住27x分，衰左。)

今年要努力o的~ 都開始左讀書~ 其實舊年唔合格都應該既~ 自己都無讀過就殺入去，你估仲好似考二級咁輕鬆咩~

但，我真係好驚唔合格。其實係怕，好似我master有個同學咁，佢話佢考左八年呀~ 八年？唔好呱…

今個semester都係defer, 本來以為可以”復課遙遙無期”，原來唔得架~ 我已經比人要脅話今個semester要我復課。唔好啦~ 不過Clara同Crystal就好啦~ 佢地讀埋呢個sem個2科就畢業啦~~不過聽講話由九月開始多左好多新講師黎~ 咁咪好咯~ 唔好成日都係得個一兩個，要對多d先學得多野嘛~ (其實重點在於maggie先生終於出走香港，逃左去日本，so good!!) 今年報一級仲好，有得送本past paper, 雖然係好可惡既2006年一級考試past paper。

Princess Maker 5唔係咁好玩，可能我真係打蠢，又或者我未有心機去研究隻game啦~

不過呢期我睇緊日劇呢~ 因為煲日劇練listening嘛~ 迫自己唔好睇字幕~ (但其實無乜用，你估仲考緊二級咩~ 二級咁練就有用…)

<峰壁雙姝傳> – 有我最喜愛既深田恭子呀~ 無計啦~ 我真係鐘意佢個靚樣嘛~ 只要有深田恭子，個套劇幾垃圾我都話好睇。不過呢套<峰壁雙姝傳>係真係好睇既~~(推介指數：☺☺☺1/2☺)

<螢之光> — 其實我覺得套劇既女主角，應該由綾瀬遙換上上野樹里，咁就應該更加爆笑。魚乾女(himono)，你知道是什麼嗎？即係講個o的係職場上能獨當一面既女性，但一放工，極速返屋企，搵件爛衫，將d 頭髮夾起晒，生活極dry既女生。我覺得……我自己都幾似啊~~(推介指數：☺☺☺☺1/2☺)

<貧窮貴公子> — 台劇好似做過但我無睇過，因為台劇太慢啦~ 會悶死人架~ 本來無打算睇既，但因為<峰壁雙姝傳>同<螢之光>有得睇既都睇晒，佢地又係2007夏季日劇, 即係未做晒啦，新一集未出咪頂住先咯~ 都ok搞笑架呢套野~(推介指數：☺☺☺)