咁又過左10日，新工真係幾好哩，重點在於唔使OT嘛~ 依家香港地, 仲有乜野係好得過唔使OT丫！

依家生活唯一既缺憾係無拖拍，拍埋拖就perfect啦~

但, 點先有拖拍呢？其實我唔係太担心；反而唔知點解有d人會替我担心。

相士話我廿九歲有機會結婚架！但三十一歲個年先嫁就會好d咯~ Ok, 問題係, 我今年廿七, 即係虛齡廿八啦！廿九? 即係下年架啦喎~ 預備都要一年啦~ 即係唔使諗。但三十一即係三十, wah~ 咁唔係仲有好多年咋喎~ 今年睇黎要努力o的！但點努力呢~ 我成日”形”住香港地依家好多男人好變態哩~ 即係鐘意召妓玩ons個o的呢~

好污糟架喎！ (係, 我認我有潔癖)

新工有房坐, 落住望住中環, 香港公園境, 其實幾靚。

約左星星同學去睇連體孤魂, 我諗呢套應該得, 因為我睇鬼影都覺得有少少驚哩！無錯, 我同星星同學都鐘意睇鬼片。本來我地諗住徵個壯男同我地一齊去睇，但我話：早幾年前我地後生咁多都搵唔到壯男去, 家緊人老花黃, 咪仲難搵！

我將呢番說話, 講左比一個三十四歲有家室既朋友知, 佢話, 女性到三十歲先有韻味喎~ 我係：係~ 無錯。三十出頭都仲可以咁講。但三十五之後就……唉……

我唔想做十四歲的媽媽之餘, 我更加唔想做三十四歲的媽媽。

係啦~ 上星期六去左睇<不能說的秘密>, ok啦~ 我覺得ok好睇。故事無乜特別, 都似係觸不到的戀人加愛斷了線。但特技效果幾好, 而且配樂幾好聽。我好快已經搵到琴譜咯~ Animal crossing我終於玩到過左perfect town。但好似一去到perfect town, 我就失去左玩心。

昨晚睇左Princess Maker 5既攻略(係, 我買個套係珍藏版)。好似難玩左好多喎~真係睇到想爆粗, 有乜理由玩公主結局都有真公主同公主同唔知乜野公主架~ 跟主又有妖精結局, 仲有d好無謂既結局例如嫁左比唔知邊個(係呀~ 好似有四五個男人可以嫁架, 但最搞鬼係個套婚紗係一樣款但唔同顏色咯~ 而且仲有一個結局後版本可以玩到離婚, 真係玩野呀~~!!!) 好彩有攻略, 唔係都唔知點算。睇黎今晚要開始玩。