anyway~ 我聽日晨咁早就會出發去 — 越南胡志明市。6月29日先返，大家唔好太掛住我呀~

然後行程都好緊湊，接住7月1日，我就會join埋啦啦S各朋友出發去澳門一日勁食增磅團呀~ 正!!

其實今次budget唔算多，假期又唔長，我同男朋友仔都好想去長d既旅行 (東歐旅遊計劃中，預計出發日期2009年5月!!)。韓國，我10年前去過，真係無乜興趣再去。日本，無budget。我地原本係想就男友仔考試去大阪or仙台架~ 但佢又報唔到個考試。星馬泰，去過好多次。暫未有計劃再計，雖然浮羅交怡好吸引。Maldives，想去但無假無budget。Bali, 唔知啦~ 我一向對Bali既興趣不大。菲律賓，去過馬尼拉，想去宿霧但暫未有motivation。Cambodia，我想都效法普洱姐去流浪架~ 但最近覺得好辛苦，都想去d舒服少少既地方。………(下刪數百個地點 ) 

結果經過一番掙扎後，選擇左去胡志明市。

其實去越南一向都係我旅遊地點上排頭位架。但香港人好似真係好少聽到話去旅南。所以原本係搜集資料上都有難度。但經過一個多月既努力，已經有概念。但一直係搜集過程中，理解越多，對越南越有好印象。個人去旅行，一係就喜歡我擺明黎消費同update新資訊既地方如東京，一係就多d歷史文化景色or大自然氣息既地方如華東or北海道。以暫時既手上資料黎睇，越南應該可以滿足到我既要求。

當然，一切都要等我返黎再寫遊記先定到案啦~

各位再見啦~ 都係個句，唔好太掛住我呀~

原本係諗住放學後返屋企煮，結果走堂。咪提早返屋企整咯。

今次我第一次整，仲要係第一次整d有糯米既菜色，感覺上覺得自己仲未好控制到。所以煮多左米，同埋如果下次可以乾身少少會好dd，唔知係d米既問題定係我落多左水既問題。再要彈既係今次我為健康著想，係減左糖。但又好似落多左少少鹽，所以味道比係街到食既係淡，我相信係街食個d，應該係怒加糖架啦~ (肥死…!!) 但朋友仔話佢覺得呢佪味先o岩o岩好，所以好明顯係每個人口味問題。由於係米多左，又驚難消化，我地最後只係食左一半，有d浪費啦~ 但我下次會識得控制分量好d。

賣相就ok。黃黃白白咁，應該好難出錯。

食譜：

材料：
芒果一隻 (最緊要選d熟d既，樣衰個d就最o岩)
糯米一杯 (我今次落左差不多2杯，太多啦…浪費!!!)
細椰漿一罐 (糯米用一杯加一罐細椰漿就剛剛好)

1. 糯米先洗淨，再用水浸3-4小時。

2. 將浸好既糯米抺淨，加適量水，再隔水蒸15分鐘。芒果切粒備用。

3. 係蒸糯米既期間，可以預備開椰漿，分2半。其一半加1湯匙糖及少許鹽拌勻。

4. 待15分鐘後，將(3)的椰漿掍合物倒於糯米上，拌勻再蒸10分鐘至糯米全熟。拿出，放涼。

5. 將餘下既椰漿倒入鑊內微微加熱，一邊煮時一邊再加1湯匙糖、少許鹽、少許生粉(生粉可唔加)，直至糖煮溶。要注意煮椰漿時唔好比椰漿煮滾，因為煮滾既椰漿會釋出椰油，椰油對身體唔好。

6. 將粒粒芒果鋪好，再將(5)煮好左既椰漿淋上面即成。

係諗唔到食乜野既情況下，我地去左諾士佛階。好日都唔去尖咀，真係諗唔到食乜好。咁醒起上次經過有間食日本野都好似幾ok，就決定去試下。

原來係食迴轉壽司既。服務員態度好，坐order枱，汲取上次去板長既錯誤經歷 (唔好意思，我地係anti-板系咯)，決定點少少試下。開首叫左三文魚腩、油甘魚腩、劍魚、立魚同2件松葉蟹腳。當然唔可以講得上係超級好味(起碼一定比唔上湖舟…oh…湖舟 i miss you…!!)，但以係去食比元氣板系既價格，可以食到咁既質素既壽司，已經算好唔錯, 起碼食松葉蟹腳個感覺唔係變左食蟹聊，而且d壽司飯無散，仲想點? 覺得ok後我地再點海葡萄、牛油果軟腳蟹、藍鯨吞拿魚等。仲點左個炸一口北海道芝士。

特別要講係呢個炸一口北海道芝士。超級推介。$28有三粒，好似少左d貴左d，但真係超好味。未食只係擺埋少少已經聞到好濃既芝士味，食入口又香又軟，完全無油膩感。絕對值5個讚。

最後埋單食左$260。個壽司飯比香港一般既迴轉壽司細，但其實呢個size先o岩。而且咪睇咁細，其實都ok飽，我地無食盡係因為要留番個肚今晚食甜品(詳見小敏大廚煮好餸(5))。

服務員態度好好，不停添水，食到中途又會幫我地換碟，

記得上一次經過，見係位處諾士佛階，而且裝修又咁靚，諗住應該好貴下，上次無食係因為已經食左飯。點知今次初黎步到，發現呢間野好味又抵食，服務態度又好，應該要推介。呢間<上壽司>，絕對有下次。(我地已經講左今個summer term尾最後一堂，一定會再黎) 唯一可惜係雖然係星期四，但點解到七八點，店內都無乜人呢……

上壽司
尖沙咀彌敦道132號美麗華商場諾士佛階1樓1號舖

加埋cheese我覺得味道好好，覺得可改進地方係下次用cheddar cheese風味更佳。食到男友仔滯左……佢一個人食左2個人既portion……哈哈….

感謝普洱姐指導，我下次會加d 紅椒同埋加一滴醋試下架啦~~

又係跟通少既recipe整既。想睇原裝食譜睇呢到 (http://hk.myblog.yahoo.com/tony-karen/article?mid=16507&prev=16985&next=16194)

我用左扁意粉煮而唔係用螺絲粉，其實用乜粉整都係一樣既jei。不過係上次見整左carbonara之後用剩半個洋蔥，唔想浪費咪試下整咯。味道又幾得喎。

材料：
扁意粉
半個洋蔥切絲
garlic 5瓣切蓉 (我成日都覺得新鮮garlic整會比用李錦記整好個d蒜蓉好味好多，但如果你懶切都可以用個d代替)
番茄4隻切細粒 (原裝係普通切粒大粒d，但切細粒會好睇d又出味d)
碎牛肉半磅 (其實應該係mix 一d碎牛一d碎豬先最好味，但我懶。我去左超市買d一兜兜已經搞掂既免治牛肉，方便嘛~ 唔使走幾轉)
白磨菇 6 -7 粒 切片 (如果嫌貴去買罐頭磨菇都得，仲可以買d已經切片既就可以慳功夫，但我覺得都係用番新鮮白磨菇好d, 有口感又好味, 普洱姐話我下次可以將d香磨菇再一開二，咁就可以match番d 番茄既大小會好睇d喎)
碎香草 少許 (我無用香草，因為無又懶得買。遲下等我整我個招牌西炒飯先買啦)

汁料：
水 1/2 杯
茄汁 4 湯匙
糖 1湯匙
茄膏 3湯匙

1. 意粉按照盒上指示, 用鹽(約2-3湯匙鹽)水煲至煙韌程度, 隔去水, 加入2湯橄欖油撈勻待用 (圖1), 牛肉用鹽、糖、酒、生粉、油醃15分鐘

2. 快火落油起鑊, 先將牛肉炒至全熟, 盛起隔油備用

3. 快火落油起鑊, 先爆香蒜蓉至金黃, 加洋蔥用少去鹽炒至軟身, 加入蕃茄和磨菇, 加入1湯匙糖炒香, 加入汁料調好味, 再加入牛肉煮滾, 淋上意粉灑上香草即成

呢個真係超易整，基本上係掉晒所有野一鑊熟就得。連我男朋友完全唔識整野食我講佢知d step佢都整到，

材料：
米枌 (我用孔雀牌，一包有六個米粉，一個人食2個已經好飽。用水浸軟備用
小棠菜半斤至一斤、都係隨你喜愛 洗淨備用
三文魚丸 / 墨魚 / 獅子狗 / 蟹柳 / whatever 丸數粒 (隨你喜愛，最好早少少係雪櫃拿出黎解凍備用)
金華火腿 適量 切片
瘦肉10蚊 (因為我有用金華火腿，所以無買咁多瘦肉) 用糖鹽酒生粉油醃最少15分鐘
薑 2-3片

1. 開一鍋水加薑加金華火腿，煲滾後加已醃好既瘦肉

2. 待已加入瘦肉既湯再滾後，加小棠菜，蓋上蓋待小棠菜變軟煮熟

3. 加入丸丸，待丸丸浮起即可可米粉略煮至米粉變軟即成。

4. 可加鹽、soy souce、辣油等按個人喜好調味

食譜來源：村之飲飲食食事件簿 (http://hk.myblog.yahoo.com/clover_raymond/article?mid=21)

原食譜係湯意粉，但我估湯通心粉會易入口d，所以改左用通心粉整。

夏日炎炎，真係食飯都無乜胃口，更加唔係好想食肥膩野。咁o岩睇到呢個食譜，睇黎好似幾好味又開胃，就諗住試下啦。用半肥瘦豬肉、番茄製成既通心粉，完全無落茄膏，但湯底清甜，全煲一次過被K.O.!!! 正!!

食譜

意粉、番茄四隻、半肥瘦豬肉(2人份量我買左13蚊左右，少得滯個湯底唔夠味架，買個時同店員講要半肥瘦搞碎)、蛋(我今次最後無落蛋做蛋花，加唔加都咁好味)

1. 先滾水將通心粉加少許鹽按包裝指示煮熟，倒去熱水後，再加少許olive oil拌勻, 放進大碗內。

2. 用生抽、粟粉、糖、鹽、油、胡椒粉去醃免治豬肉; 番茄一開四切開

3. 開水，我加左片薑，再加番茄，將番茄煮至溶爛，之後放入己醃好的兔治豬肉。

4. 關火後放入已攪拌好的蛋作蛋花

5. 將煲好的湯底倒入已放通心粉既碗內即成。