功課，還沒開始動筆。雖然其中一份功課已經找到錄音原帶。

前天午飯時間，和所有部門同事去吃飯。(對，平常我只帶飯盒或是叫外賣在公司吃。)

在電梯內說起，這學期修讀科目名稱：

Japanese Spoken Discourse Analysis

Assessing Japanese Written Document

好偉大的名字。

第一份功課，就是找一段錄音，把它的script記錄在案。交功課時，除了對白外，還外交那段錄音。

實在感謝現在科技發達。換了以前都不知怎算。不要說是以前，早2年前已經頭痕了。

教授說明不能是日劇對白。

那個，是當然的了。要不然，這份功課可真易做。

隨便在家，找一本日劇小說；選一段夠用的，直接邊看邊打進電腦去；再找回那套日劇，錄音即成。

教授說，要找人物訪問、新聞報導也可以。

下？人物訪問？新聞報導？

幸好有internet，幸好有podcast。

本來想不起podcast的。只是有天下班回家時在巴士上的突發靈感，回家開電腦，在日本Yahoo!內search podcast這個字，就找到podcastnavi，再找些自己感興趣的podcast網頁。最後，找到nana-life。

選取的那段podcast，是說有關夏威夷一種叫lomilomi的massage。

兩個女生的對話，對我來說，比日本男生的對白聽起來來得容易。

日本是一個男女差距很大的民族，近年來已經好了一點，在年青人的對話中，幾本上男女說話方式的差別距離不是很遠。

在Assessing Japanese Written Document的課堂內，我提到一點，起初教授不同意的，最後還是認同了。可惡的教授！

看日文小說，最大問題在於對話。

原著日文小說，很少提及是誰說那句對白。

翻譯成其他語言後，如果不加上這個去，就分不清誰說什麼。

但，因為日本語在男女語言上的差別，一看就懂了。

都說日本人是一個含蓄又曖昧的民族。

至於Assessing Japanese Written Document，那份功課可夠深奧。

題目是，找一篇日本語的文章來分析。

分析什麼？

同學們都一頭霧水。

可惡的教授已經沒上學期那麼可惡了。但，還是很可惡。

什麼都不說，你自己領悟吧~~

算什麼意思？

可惡！

今晚都應該不會動筆的了。因為今晚要上課。

同學到東京出差，給我帶來了一公升的眼淚的原著小說，及之後的所謂續集。

太客氣了吧~~

大家都要互相關照啊~~

星期二那課的required reading，我只看到上個星期的。這個星期的，還沒開始。Lunch大概要留在office看書了。

雖然如此辛苦，但還是很喜歡讀書的感覺。

還有CFA，好久沒有碰過了。

接下來的半年，是應該最辛苦的。

日本語能力試驗的一級考試，暫時不打算碰它。

今個學年，至四月底就結束了，沒有summer term。五月要全力應付CFA。

我是說，單說學習進修這一項目；還沒把工作上的IPO、2個non-regulatory的M&A、和2個VSA放進去說。

完了CFA，可以休息一下。同時可以慢慢開始準備年底的一級考試。

當然，這是個很ideal的想法。

昨日同朋友仔去左赤柱哩~~

嘩哈哈哈~~~好鬼耐無出過去郊遊，真係開心死~~本來打算去石澳，結果朋友仔話去赤柱好D~~OK~無問題~~

呢到影影、個到影影，真係好鬼開心哩~~

然後，我要講番前晚一件笨事。

事源我之前貪得意，買左一對假眼睫毛。前晚拿出黎玩下，結果發現，我的眼睫毛長1.6cm，o的假眼睫毛，最長個條先係1.2cm哩~~真係…即係…唔用好過用…用左都唔知。

這個星期真好，只要上班三天，又可以放假兩天。

今朝早send左個due diligence questionnaire比校長(我老細係我office既花名)。出名挑剔既校長，竟然一次過pass唔使要我補考。真係新年行大運。全office都知道，所有announcement呀~circular呀~咁一落到校長手，一定滿缸紅。今次真係…hehee~(偷笑中~)

自從Amy姐姐本雜誌改左係星期五出版後，一直我都改唔到係星期六買既習慣。直到今日。

朝早返工去買早餐時(已經遲到，仲要去鬼咁遠買早餐~~哼~~!!)，經過報攤見到出左啦喎~~回程時就去買啦~~今期個封面幾靚哩~~紫色封面，仲有阿嬌。

然後，睇左o的。

阿曾博士話女人胆小，唔夠胆係低位時入市。

咁…我咪係好鬼大胆？我買樓時，係2003年哩!!!

我都話我係叻架啦~~~

哈哈哈哈哈哈~~~

昨晚，仲叫阿星去stickam到申請個可以睇相、video同聽歌既blog toy。係幾好玩噃~~不過阿星眼瞓，都無咩upload到相。

昨晚餐飯。真係……把鬼。算了~~可能學朋友仔所講，只係一個沒有自信心的女人。

好野~~~仲有半個鐘就放工。

由於時間關係，但又想避免像去年一樣1年diary用1個file，以至file size太大load到hang機，2006年的Episodes of well-being將會改為2個月1期。

哈哈~~今日返公司，當然要逗下利是啦~~今年收穫甚豐喎~~但最搞笑係有個老闆睇唔到我係位(因為我個位係半房位，左邊有牆，前邊個位都係我獨霸)，竟然無派利是比我。利是利是，講意頭架嘛~~所以我決定係交功課時，主動print一份出黎，拿入老闆房，再笑口”逝逝”咁勁講好意頭說話~~哈哈哈~~

狗年第一日返工，開工買左本CanCam，哈哈~~我一向對Jessica、Cosmopolitan之類既雜誌興趣不大，可能係因為自己生得唔高，得個五呎三四，點著人地o的歐洲衫o者？咪玩啦~~日本衫kawaii又o岩我身形~~哈哈~~沒法不愛它嘛~~記憶所及，只會係整頭髮時如果佢地比到本Cosmopolitan黎，我先會揭下。如果有得揀，一定會揀日本fashion magazine。Non-no由中二開始睇，十一年啦~~時光飛逝哩~~由以前睇公仔，到今日睇埋內文都得，都不可話轉變不大。到左依家除左Non-no外，其實仲有好多好似CanCam、JJ等。但都係睇Non-no多o的。CanCam、JJ等，係真係純fashion magazine，除左衫褲鞋襪，就只得化妝同髮型；但Non-no除左呢o的之外，仲會講下藝能界專訪、家居雜貨、recipe等。內容比較多元化嘛~~當然，咁只限於我呢種睇得明聽得明既人啦~~嘩哈哈哈~~(自大狂病又發作~~)

我昨晚全晚都係到咪個本數碼單眼仔手冊~~哎呀~~睇左成晚先得一個chapter~~就黎比人話我hold住本書唔睇架啦~~;p

四日假，終於放完。又係要準備返工既日子。

年初一去拜年。年初二下午等人黎拜年，晚上就同朋友仔去左灣仔睇煙花。今年，麻麻地靚，可能唔多風大，所以放到一半o的煙焗住左吹唔散，結果咩野都睇得唔多清楚一o舊煙咁。

終於，我地兩個係食左N咁多次strawberry forever之後，有多少改變啦~~今次點左天生一對。呵呵~~

今日，完完全全係休息日。朝早起身係屋企打掃，之後煎年糕食。煎左三年，終於領悟到煎年糕既秘訣，要點煎先可以煎番好似爸爸整既咁好食。因為，煎年糕，每年得唔係好多機會。雖然基本要訣都知要沾蛋汁先煎，但每次都係欠少少。今年終於成功，証明咩野叫”有志者事竟成”既道理(上面個o的唔使理，低低能能今日short左~)

整完之後就睇dvd，今日既係新買既firebird。

睇完就覺得眼瞓，結果人狗同眠一小時。

聽日大部人都應該開工啦~~祝大家開工大吉，聽日開工逗多o的利是~~哈哈~~~

今天是大年初一，先同大家拜個年先~~

祝各位新年快樂、恭賀新禧、恭喜發財、大吉大利、周年旺相、生意興隆、龍馬精神、財源廣進、身體健康、甜甜蜜蜜、步步高昇、學業進步，總而言之，就係心想事成啦~~

唉~~終於有4天可以休息。昨日真係超頹超懶，同朋友仔出左去銅鑼灣，本打算行花市既，嘩~~~但見到N^N咁多人，真係有咁快閃咁快啦~~結果？完全配合我呢個懶人形象，歸家去~~

年紀越大，要去拜年既地方越少。老實講，我媽咪個邊係大家族，親戚多，幸好只要年初一去公公到，一次過搞掂。爸爸個邊o的親屬都移晒民，呢世人，可能以後都唔會見到面。

好~~~唉!!好眼瞓~~真係要好好休息一下~~

我極度懷疑今日我會唔會有心機做野。放假前夕，未來有四日既long weekend，還有，最令人期待的2月底北京之旅。我仲請多左兩日假之後休息。

但，我非常清楚，如果我今日完成唔到我個份六十頁既due diligence翻譯，我個悠長假期必定泡湯。為左保衛我的long vacation，我今日一定會奮進到底，完成使命!!!

剛剛收到隔離部門同事仔既msn，話我知佢今日last day。唔~~~又有同事走。但今次走得好似好離奇同神神秘秘。唔~~~

今朝一早check mocasting上一個blog友的留言，真係好無聊，但我又覺幾搞笑。話說佢寫左一篇blog，內容講佢年年都比d親友問埋o的無聊問題，如細個就問”嘩~~你又高左喎…”利市收埋今年好啦，出年好派”等無聊。結果，有次有個親友問：”幾時請我飲”，阿blog友先生竟然答：” 我出年請你飲解穢酒，招呼唔到希望你唔好見怪”。

我係留言到寫：” 我要封你做偶像…咁你都答得出？”

reply: “一句“我要封你做偶像。“就透露了你的年紀了，沒記錯的話該是80年代中電視劇“劃出彩虹“中男主角詹秉熙的口頭禪。”

o下？詹秉熙是誰？我今年…廿字頭中間咋喎… 劃出彩虹??咩野黎架？哈哈~~真搞笑~~

食左兩日藥，果然係好左好多，係拉傷左大腿內側肌肉，雖未至於行唔到，但點都唔係幾好，學miss話，我們的body就是我的instrument。不能不小心哩~~