明明寫好了的日記，卻怎麼都沒時間將它們送到網頁上。

終於，捱過了那一星期的集中講義。

集中講義，無可否認是教授宮副先生(Miyazoe sensei)是真的很用心教導；期中有好幾次我也閃過走堂這念頭。到最後，還是打消了。

我們單是坐著上課也這麼辛苦，更何況是這樣落力地授課的她？的確，八天內上六講共18小時，確是很辛苦；因為，除了是體力上的要求外，腦部運用可真不少。

我是被她對教學的熱誠所感動。

入了大學以後，有2位教授是我很敬佩的。

一位，是香港大學時代的Prof. Siu-han Chan，教我的advance topics in corporate finance。唸那科的時候很辛苦，100%coursework是主因，因為，那種100%coursework不同其他，是很貼近現實的，一個valuation model，由接到題目到交報告到presentation，只有4天時間。的確又是如此，我早前做的DCF model，前後也大約只有這麼多時間。教法比較貼近MBA的教授。可惜的是，她已回去美國了。

另一位，就是宮副先生。

昨天是休息天。大清早起來上教堂；然後趕著上舞蹈學校。通常我會早到半小時到四十五分鐘以作熱身。今天的體力要求頗高。

然後回家梳洗，又趕著去會合朋友仔。

今天的原訂節目是：午餐 à 看花展 à 哈根大師吃雪糕 / 星巴克看書 à 晚飯

結果？

我們去了吃灣仔的雲桂川，味道不錯，雖不至於是頂級誇啦啦好吃，但2個人，每人叫了一碗小鍋米線配2款餸，外搭豆漿及熱檸檬水，才50元，算真的很不錯。最近有點口味變了，很喜歡吃酸辣。中環有家叫王府吃水餃的，很好吃，我尤其喜歡吃水餃麵配酸辣湯底。

之後坐地龍去天後。人也不算太大，但天色不好，拍照的效果都不大好。遇上有人拿著SD拍照，我也偷雞地拍了三兩張。對方人很好，都不介意讓我拍~~嘻嘻~~謝謝了~~

走了一圈，沒什麼特別，而且人也很多，不是每個人都會乖乖排隊的，我們在拍那支太陽花的時候，就很乖地排隊，結果，後面的那個也很乖地跟著排隊，好好笑，但這也很好啊~~最少每個人都有時間去拍一張好照片。一堆人在混著，像拍鬱金香的時候，就大家都沒法拍得好好的了。

最近的不快事，使我常常滿懷心事

找工作的事，是應該慢慢來的

到底，其實這裡的工作環境很好，薪水也不錯

而且，當初那麼辛苦才考進來，是能力，更是運氣

我比較相信，除了努力之外，運氣很重要

不是嗎？我很明白，這個世界，有很多比我更出色的人

為什麼會是我？

滿懷心事的我，今天收到同事送的星巴克Lamington小蛋糕

其實我覺得它更像棉花糖

謝謝妳的愛護~~

(33719.png )

踏入三月，即是說，2006年已經過了六份之一。

可是，踏入三月，隨即發生不幸事件。

昨天早上，媽媽坐的士到醫院。

然後，公公去世了。

人生七十古來稀。更何況是九十？

所以，算是笑喪了。

可是，我真的很懷疑，到底，是不是真的有人會笑得出？

昨晚做功課到清晨四時。

睡覺前，其實我還沒覺得累，可是，天氣卻十分冷。

臨睡前，我在想，原來自我踏入十八歲以後，已經有6個人辭世了。

即是，幾乎平均每年都有一個。

下一個又會是誰？(哈~~真是大吉利是……)

然後，在公司發生不公平事件。

沒錯，站在我的立場，對我來說是一件很不公平的事。

大概我跟星星同學的磁場太接近；簡直是相吸嘛~~

兩個人都發生本質差不多的事情。

人越大，對工作越沒有要求。

真的，我只要求身體健康。

當然，對這份工作，我也有不捨的。

可是我就快給電腦的塋光幕的幅射射死了。

我老闆大概係唔想我有太多野講，所以我今日after lunch先填表入去請星期三下午的假期，五點已經比返我。

真好，即係話，我既大假提早半日進行，返正聽日老闆同同事們都北上(我唔使~~因為要放假，好野！)，所以其實正式黎講，我既大假明天已經開始，不過聽日係最critical既一日，因為仲有一個project我已經推左比另外一個高級經理去搞，如果比佢知我聽日好得閒，恐怕會燒返轉頭。

不過，又因為聽日要返學，仲要係交功課，所以呢，點樣聽日都唔使OT架啦~~而星期三我請假係因為有D事要搞(都係星期六個日衰，早五分鐘都唔使咁煩)。

總之，大假明天開。

但今日都差o的發生不愉快事件，如果我今返入公司遲多9秒，我下個月又要限住黎遲到。好彩真係有驚無險~~

講起放假去旅行，真係有多少想死。

Come on!!! 唔該唔好樣樣事情都以為我係你先得！

其實我都好鐘意自由行，自己plan 行程，自己去決定，旅途中充滿變數，係一件好刺激又開心既事。但係，以上呢o的，都係provided我好似大家咁得閒先得架！好唔鐘意比人問：

哎呀~~你去北京唔使跟團啦~~
哎呀~~~你o的國語咁得，自由行都得啦~~

Come on!!! 我想講多次，如果我有咁多時間同精力去plan，我都好想可以自由行。但，我真係唔容許嘛~~~我要返工又要返學架！係返學呀！一個星期兩晚一共六個鐘，仲有好多readings同書要睇，又有好多功課要做架！我仲要考專業試架，唔係好似你咁，自己一o的都無努力過，晚晚走去浦架~~

仲有，我唔明點解o的香港人總係低低能能太祟洋。自由行一定好咩？外國其實有好多人都會跟旅行團你又知唔知？你知唔知點解o的外國人要自由行？我覺得每樣事情如果仲能夠生存，就一定有佢既存在價值；唔係既話，早就比人淘汰晒啦~~

情人節~~祝大家情人節快樂!!

唉~~今個情人節就唔多快樂。

最近，我覺得我既快樂指數跌得越來越低。

今朝有個project，又搵我。

我答高級經理哥哥：你要幾時要？

佢回答：今日

我話：今日我驚我做唔晒喎~~~因為我做緊個份聽日deadline。

好彩，高級經理哥哥打比另外一個高級經理哥哥。結果，另外個個高級經理哥哥救左我一命。

當然，我都真係有超多野要做。

昨晚溫書同睇readings，睇到兩點幾。今朝七點起身返工。

實情係，o的CFA唔溫唔得。

今日又再次黑仔。

本來有investors presentation luncheon，地點係金鐘一國際五星級酒店。我帶埋同事仔一齊去。

你真係諗唔到，大家都有咁上下年紀(當然，應該全場年紀最輕係我，o的uncle auntie，一睇就知四五張野啦~~)，都叫受過高等教育，算係知識分子，又著住套suit。

個luncheon大門一開，o的人好似發左瘋咁，賽馬咁既姿態殺入去。

唔肯比錢就唔好係d咁grand既hotel搬黎懶high class。結果，大部份人無位食飯無位坐。我同同事仔搵到一o的無飯食既位。

噓~~~把鬼。

於是2個人去問個PR拿左幾本red herring走人。

講番CFA，唉~~實在令人太担心。

係途中，同同事仔傾。佢講，其實，佢覺得，個CFA作用唔係太大，一來唔實用，二來我都有CPA。

唉~~我雖然都有咁諗過。

但人對虛名，邊會有咁易放棄？

但，老實講，最近我又做下o的market research，又真係發現呢個都係事實。

Well~正如之前講過，如果今次唔pass，就唔會再考落去。

最近，黑仔到，爆晒燈；黑仔到，我唔信。

真係超級黑仔。

遠既事件都唔講，單講今日。

話說上星期阿媽叫我幫佢過800蚊卡數。

好小事？係咪？

問題在於，咁樣都可以黑到爆燈。

今日上網用online banking check數，發現，e？點解會透支左800蚊？

後來睇清楚，醒起，應該係呢件事。

我個account係連落張credit card到。一向相安無事。

問題係，一定係個日白白痴痴按錯制。

結果，還款變成overdraft，仲要charge 50蚊handling fee。

邊有人咁黑？黑到咁？

有冇人信？

都係個句，我仲要忍辱負重多半年。

但，半年之後又點？

最近成日都問自己，點解要等個會計師牌qualified。

Qualified左咁又點？

之後又點？

今日同一朋友傾公司事。我話，我真係覺得心淡。

唔係人工多少問題。而係，公司另一個女仔A字膊，只係入左黎半年，傾計多過做野，做錯野又多過傾計，結果同我一齊今年升職。

雖說佢之前做過一年呢一行，但，你叫我面子往何處擱？

算。但係，可唔可以唔好咁黑？

若果我是一頭牛，在工作上，我一定是一頭蠱惑牛。

今天下午，我跟一頭在大陸的牛通電話。

本來，我有點怕那個客戶。因為，他們是高官。在大陸，高官的氣燄最大。因為，是官嘛~~

我只見過這個客戶2次。2次，他給我的印象…真像一頭牛…般勤力。

那次他的上司……好兇哩!!!

如果你見識過一次，他的上司，因為那個律師說了一句不中聽的說話，就笑著當著所有人面前罵她好幾句。你應該也會與我有同感。唉~~人家好歹也是個律師嘛~~還要是partner來啊~~

結果，今天通電話後發現，他，真如外表一樣，就是一頭牛。

事緣是原來去年7月時，我有一位專負責origination的內地同事，早做了一次due diligence。當然，那次的scope of work只算小兒科。

前2天，我草擬了一份我依著Listing Rules的要求寫的due diligence questionnaire，讓同事發電郵給客戶。

然後昨天，客戶就不停地打電話給同事。

可憐的同事。雖然他也是這team的teammember，但，他可是初黎步到，什麼都不知道。而且，以前又沒有做過什麼due diligence等project。

結果，我昨天下午就draft了一個email，替同事頂了，依我計算，客戶很快就會找我。

果然如我所料哩~~今天早上就打我手機，找不到人(我早上上班是不會接聽沒有來電顯示的電話)，就發了個sms給我，叫我回覆他。

哈哈~~~結果，這頭牛給我耍了兩耍，再安撫一下，就很滿足地掛上電話，安心地填我給他的questionnaire哩~~慢慢做啦~~

唉~~以後，都要做到”眼琼琼”，為什麼我會被大老闆賞識了???那份東西，又不是得我一個人來幹的，上一次那單巨額M&A，我也只是見義勇為而已。