最近真係流年不利

之前跳左幾個星期既眼眉跳，我見weekend有幾日無跳，應該無事

結果，昨日開始又跳番。

其實係咪同唔夠瞓有關係架??

不過的確最近呢2日有d心緒不靈，今朝差o的比車車瓜左……

好彩，係差o的。

所以，到依家我仲在生啊~

大節流流入醫院就真係唔慌大吉咯……

不過唔知係咪今朝嚇一嚇，到依家硬係覺得有d唔舒服

=======================================

原來，做past paper比我想像中快

但要對答案同埋賽後檢討都唔易

賽後檢討……哈哈……不過我昨晚一路做真係一路罵自己白痴啊~

=======================================

不過……我今日真係有d唔舒服……慘…….

寫到呢到收工先……要休息下…..

P.S.: 唔記得講，開始減肥一個星期，已經完成左減左目標磅數既10%

其實今次算好輕鬆，因為運動量夠，只係減左食零食，食多左好多菜同水果(係多左好多~ 比我平時再要多好多個種)，同埋改左朝早個早餐由食飽轉番做食麥皮，唯一缺點係唔似以前可以返到公司先食，家陣要早少少起身食左先返工。除左第一日開始食時覺得唔太適應之外，第二日已經好習(當然啦~ 我之前食麥皮做早餐好耐啦……)。

我要努力……

放心，呢篇唔係研究宅女冋電車男的日本研究報告。

事實上，雖然我係讀日本研究碩士，但，我對日本次文化呢o的topic其實無乜興趣。

只係昨晚係到煲埋山女壁女既大結局，突然係到諗，我算唔算係宅女呢？

但我又從來都唔睇動畫、漫畫架噃……

打機都只係近年來先有既次興趣，我仲要玩親都係悶game。

例如：BRAIN ACADEMY、PICROSS、SUDOKU、右腦訓練。

COOKING MAMA已經打完晒，所有菜色拿晒金牌之後我已經無興趣。

最大問題係，其實我唔係好玩MARIO KART架……

但沉淪之村(即係ANIMAL CROSSING)我又有一段時間好鐘意玩，但坃到左PERFECT TOWN之後，又忽然無晒興趣。

至於最鐘意，當然係睇日劇。但我又唔會好沉迷喎~ 例如睇交響情人夢已經係好耐之前既事，我睇完就算，最癲都係託個朋友係日本幫我買個NODAME'S PIANO BAG。

結論係：我覺得我唔算係宅女哩……

註：好無聊的一篇POST…….

JLPT……全名係JAPANESE LANGAUGE PROFICIENCY TEST

即係O個個我舊年差少少就合格既LEVEL 1。

雖然，我承認舊年我係打天才波入去考試，無溫過任何句型，無做過任何PAST PAPER…..

果然我唔係打天才波既材料，無一次打天才波會成功……

好，講番正題。

話說，我花左一個月時間，已經將LEVEL 1個一百零五句句型讀左。

無錯，係讀左，但仲有好多唔記得。

今日正式開始做PAST PAPER。

但……真係好痛苦哩……

最憎做PAST PAPER。

尤其我依家做緊舊年個份PAPER，真係憎死自己咁白痴。

點解當年會唔識做?????????????????????????

又……唔知今年係咪仲係九展考呢？由三級到二級到一級，三年都係九展考既……如果今年唔係九展，可唔可以搵個方便D既地方?? 總之，千萬唔好係機場那個乜鬼亞洲乜鬼館到考，又最好都唔好係灣仔考。

咁就好啦……

但今年考試費又加左價喎???

真係好鬼唔開心。

今天早上又是上課的日子，已經很習慣每個星期的連續的舞課。

今天的課，有一個練習非常有趣。

其實只是在扶把的練習，最最最簡單的saute。然後就在我縱身向上躍起的一下，老師把我推上去，跳得好高好高好高~

那一刻我就在想，好想跳好想跳pas de deux啊~

如果有男舞伴，把我lifting的那刻應該很有趣吧……(別妄想了……你要好好減肥!!!!!!!!!!!!)

Barbie她們在APA跳impromptu應該蠻好玩吧……..

妄想中………

真正熟悉我既朋友，都會知道我係超鐘意細路仔。

最難得係，由剛出世去到十一二歲個d我都覺得好好玩。好似係ballet school到有好多小朋友架嘛~ 我連跳G.4個班，都成十一二歲啦~ 我都仲可以同佢地好好玩好好傾，搞到有D我個班既同學仔都話我~ 你真係同佢地好鬼好傾啊~

好啦~ 講番入正題，我最大既志願係做人阿媽，最好生個女。無錯~ 我一定係超偏心~ 唔使諗~

但~ 仔都好啦~

雖然，呢D咁既志願都唔一定實現到，但我好想介紹呢個BLOG呀~

我睇左好多年，我唔識個BLOG主架~ 但我睇住佢同佢HUSBAND拍拖去到結婚去到懷孕去到生仔去到個仔都過左半歲佢個仔真係好鬼得意架~

繼續眼眉跳

依然係成日都跳唔停，乜野時間都有。所以我覺得個d話睇時辰黎估到底係好定唔好應該一o的都唔準。

今朝早真係嚇親，話說我報左6月一個考試，依我所知應該有本書仔寄黎。

但今朝UPS打電話比我，話我訂左D書，今朝可以送去屋企。

我已經”R”晒頭, UPS? 訂書?

後尾先醒起關個考試事。

OK。送到去屋企，媽咪話，都好大盒下架喎~ 仲一套六本。

下？六本？唔係呱……我跟住勁驚自已經CLICK錯左，想報名變買書。

後尾打電話比同學，先知道原來唔係，係今年改左例，EXAM FEE收貴左，但送返套書比你。

搞错~ 乜今年個個考試都係咁？

日文又係咁~ 貴左EXAM FEE，然後送返本PAST PAPER比你。

即係變相迫你買。

搞錯~ 家陣消費者仲有冇權益架？咁樣”鑑粗”迫我買都有既？

我。要。投。訴!!!!!!

最近我玩FACEBOOK玩得太開心了!! 好玩過FRIENDSTER好多哩~ FRIENDSTER以前一個星期都未必LOGIN一次，家陣FACEBOOK唔使諗，梗係日日都去望下啦~~

最後一件事，我覺得自己開始有少少唔正常。

係，唔正常姐，仲未去到變態。

話說有個勁唔熟既朋友，男性，我一向都認為呢條友好唔掂。唔係話佢有乜問題，只係性格有D問題。郁下一聲覺得自己唔投入去拍拖，就飛左我個朋友。仲要我朋友已經比佢滾左。係我心目中，呢條友好過賤男少少姐。

呢件友仔最近知道佢又拍番拖，我第一個反應係：頂~~你X肺！好心你咪鬼害人啦賤精~又去呃女滾女。

真係有D唔正常……我講我。但我始終都好想用賤精黎稱呼佢~